কৰুণা কৰি
এচ এম এচ এটা দিবা
সুনীল অমিয়
==========
কৰুণা কৰি এবাৰ অন্তত এটা এচ এম এচ দিবা !!
মিছাতেই লিখি পঠাবা__
আই মিচ ইউ চুইট হার্ট
ভুল বানানেৰেই লিখিবা
আই লাভ ইউ চো মাছ
যদি তাকো লিখিবলৈ নেযায় তোমাৰ মন__
ব্লেংক এচে এম এচ এটকে দিবা
কৰি লম
খালি ঠাই পুৰণ--
মাথো ইমানখিনিয়েই দাবী
নালাগে আৰু একো
এচ এম এচ পঠাবা
ন'কৰিলাই বাৰো মিচকাল
ৰিংট'ন টো তোমাৰ বৰ মিঠা!!
যেন কুলিৰ কূজন
চুলিৰ দৰে ক'লা চিহ্ন এটা দিবা
যদি বুজাব খোঁজা বিস্ময়
লিখি থাকোতে যদি এলাহে আগুৰী ধৰে
আঁকি দিবাচোন তোমাৰ চকুৰ মণি
কান পাতি থাকো
জানো !! কেতিয়া আহিব চিনাকী ঈথাৰ ধ্বনি
যদি থাকা বৰ বেচি বিজি
শুদ্ধ বানানত লিখি পঠাবা
ভালে আছা নে তুমি
কৰুণা কৰি হ'লেও এচ এম এচ এটা দিবা
পাহৰি গৈ দিবাচোন পাৰিলে
এটা মিচকল
লিখি পঠাবা চড়াইৰ সুহুৰী
ন'হলে এটা সৰু ফুলৰ নাম
সৰুসুৰা কিবা পাহৰি নাপালে
তাকেই পঠাবা চোন লিখি
দেখি তো পাম তোমাৰ আঁকি-বুকি
অলস দুপৰীয়াত যদি আকাশত থোপ খায় মেঘ
আকুল হই উঠে হিয়া
অকলসৰীয়া হই পৰোঁ জানা
সেয়ে দিবাচোন এটা এচ এম এচ
পাৰিলে দিবাচোন এটা মিচকল !!!
