মাথো তোৰ বাবে
সুনীল অমিয়
=========
একমাত্র ঈশ্বৰেই জানে
কিমানবাৰ তোক স্পর্শ কৰিব গৈ
টানি আনিছো হাত
তোক ভালপাওঁ কথাসাৰ ক'ব গৈ
কিমান বাৰ হেৰোৱাইছো মুখৰ মাত
একমাত্র ঈশ্বৰে জানে
*
তোৰ হাতৰ
মৃদু কৰাঘাতৰ শব্দ শুনি
জাগি ওঠাৰ বাবেই
দোৱাৰত চুম্বকৰ দৰে বান্ধি থৈছিলো কান
তই আহি কবি
"এই ওঠা ওঠা
ম ই ম ই"
আৰু মই কি শুনিলো কি শুনিলো উলাহত
নিজকেই নিক্ষেপ কৰিম তোৰ বুকুত
*
কিমান বাৰ
এনেকুৱা এটা দৃশ্যৰ কথা ভাবি ভাবি
জ্বৰ উঠিছে গাত
একমাত্র ঈশ্বৰেই জানে
*
মোৰ চুলি পঁকিছে তোৰ বাবে
মোৰ দাঁত সৰিছে তোৰ বাবে
মোৰ ঈশ্বৰে জানে
মোৰ মৃত্যুও হব তোৰ বাবেই
*
তাৰ পিচত বহুদিন পিচত তই জানিবি
মোৰ জন্ম ও হৈছিল তোৰ বাবেই
