এটি কলি দুটি পাত
সুনীল অমিয়
============
১
==
জীয়াতু ভুগা কলিজাটোক
কালি খোলকাই থলো
কিয় ক'ব নোৱাৰো
কাতি কৰি থৈচোঁ
অনুভৱৰ সেৰেঙা জুলোঙা
২
==
তোৰ তিঁয়ৰিত
নাচি আছিল ভৰুণ আহিন
সপোনৰ পানী যুৱলীত
জলপৰীয়ে কানে কানে কৈ গৈছিল
ভালপোৱাৰ কাষত হেনো
বেমাৰ এটা ও শুই থাকে
মাজে মাজে
চুৰাত পাতে ও ডাকে
৩
==
এটা দিন এটা ৰাতি
তোকেই দিলো
এটা ৰাতি এটা দিন
মোৰ বাবে থলো
নপতা কথা মালা
কুঁৱলীৰ মাজে মাজে
ক'ব নোৱাৰা কৈ
সাঁচি ন'থওঁ অবষাদ
এটা ৰাতি এটা দিন
মৃত্যুক কৰিছিলো অবহেলা
খেলি গলো জীৱন জীৱন খেলা..
