অভিনয়ৰ জীৱন
সুনীল অমিয়
=========
কেইটোপাল মান
নিমখিয়া তপত পানী
সৰি পৰাকেই চকলো কয় জানো ??
হৃদপিণ্ডৰ গা বই ও তেজ সৰে
কেঁচা ৰাতুল তেজ,
জীৱনৰ তেজ
যৌৱনৰ সাতসৰী তেজ
দেখি নাপাই
মাথো অনুভব কৰে সেই মানুহজনে
জুঁইৰ সেকা খালেই কি পোৰা হয় ??
প্রতিটো নিঃশ্বাসত থাকে দুখৰ জুঁই
বুজি পোৱা নাযায়, মাথো উপলব্ধি কৰে সেই মানুহজনে ।
মানুহ আচলতে বৰ বিচিত্র জীব,
চকু'য়ে মুখে মাথো অভিনয়,
ভাল থকাৰ অভিনয়,
ভাল ৰখাৰ অভিনয় ,
ভাল খোৱাৰ অভিনয়
ভাল পোৱাৰ অভিনয়
হাঁহি দি কান্দোন ঢকাৰ অভিনয় ;
নিত্যনতুন তৰোতাজা অভিনয়।
ফৰমালিন যুক্ত জীবন,তাৰ সতে
নির্জীব আবেগেৰ সজীবতাৰ অভিনয়
নিজৰ সৈতে নিজৰেই অভিনয়
প্রতিটো মুহুর্তৰ ৰঙ বাহাৰী হেজাৰ অভিনয়..
