মৃত্যুৰ অভিৰুপ
--সুনীল অমিয়
==========
অবশেষত
ঈশ্বৰৰ নির্দেশত মৃত্যু হ'ল মোৰ ,
মৃত্যু হ'ল মোৰ জীৱনৰ
মোৰ যৌবনৰ
মোৰ প্রবল আকাঙ্খাৰ ।
*
মোৰ মগজুৰ থামি যোৱা ৰক্ত ক্ষৰণ
মোৰ নিষ্পাপ আগমন ,
মা'ৰ জঠৰৰ ওমি ওমি জ্বলি থকা অগ্নি
আৰু পিতৃৰ সাফল্য ।
থমকি যোৱা কন্ঠৰ নির্বাক কোলাহলত ভীৰ কৰি আহে
মোৰ লুকাভাকো খেলৰ কৌশোৰ,
উদ্বিগ্নতাৰ বয়ঃসন্ধি ।
*
বেবা লাগি শেষ হ'ল
কৌশোৰৰ প্রেম
শীতলতাত অবশ
মোৰ হাত
মোৰ ভৰি ,
শুকান বৰফৰ দৰে ।
*
আগবাঢ়িছে মোৰ অবয়বৰ ইতিহাস,
নিষিদ্ধতাৰ হাতবাউলত
মোৰ যৌবন,
উন্মুক্ত নাভীত
ওঁঠৰ উষ্ণ চুম্বন,
আৰু ,
এক বর্ষণমুখৰ সন্ধিয়াত মোৰ আত্মসমর্পণ ।
*
ঢেলাপৰা দু'চকুৰ মণিত
ঘুৰি আহে ৰ'দৰ সতেজতা
আৰু
প্রদীপৰ প্রজ্বলিত শিখা ,
নিথৰ দেহ পৰিশ্রান্ত
মোৰ কামনা বাসনা ।
*
থামি যোয়া হৃৎপিন্ডৰ
অলিন্দ নিলয় ধমনী শিৰাত
ৰই গ'ল মোৰ জীৱনৰ
উৎকৃষ্টতম ভালপোৱা
অসমাপ্ত সন্ধিয়াৰ কিছু মৰম ।
*
এইদৰেই চিতাৰ প্রজ্বলিত আগনিত
পুৰি ছাঁই হোৱা
মোৰ অবয়বৰ উদ্গিৰিত ধোঁয়া উর্ধ্বমুখী
মোৰ জন্মৰ অধিবাস
আৰু থমকি ৰোৱা মোৰ দীর্ঘ নাভিশ্বাস ।।
