চোলাৰ বুতাম
—সুনীল অমিয়
===========
কালিলৈ বাতৰি কাকত চাবা
ব্রেকিং নিউজত বাতৰি আহিব,
অনামিকা তুমি মোৰ চোলাৰ বুতাম ছিঙিছা।
সংবাদ সন্মেলনত মই স্বীকাৰুক্তি দিছোঁ,
স্বীকাৰ কৰি লৈছোঁ সকলো
কোন সুখত উৰিছা,
কোন পৰশত কঁপিছা,
কোন ভুলত কান্দিছা,
কান্দিলে বাৰু মছিয়ে দিলো হেতেন,
কিন্তু সেই বুলি মোৰ চোলাৰ বুতাম ছিঙি দিবা!
কানে কানে ক'ত কবিতা শুনালো,
মিষ্টি মধুৰ ছন্দ দিলো,
এটা মিলনৰ গল্প হ'লো।
তথাপিও তোমাৰ সহ্য ন'হল জান,
এটা ভুলৰ বাবেই কান্দিলা,
অকমান অপেক্ষা কৰি চাব লাগিছিল,
মৰম দিলো হেতেন বুকুৰ ঘা'ত ,
চেনেহ দিলো হেতেন বাগিচাত
তাকে নকৰি !
চোলাৰ বুতাম ছিঙি দিলা !!
অনামিকা তুমি মোৰ চোলাৰ বুতাম ছিঙিলা কিয়???
—————
